2 ივნისს აშშ-ში, კერძოდ ნიუ ჯერსიში, UFC 302 გაიმართება, რომლის მთავარ ბრძოლაშიც უძლიერესის ვინაობას ისლამ მახაჩევი (რუსეთი) და დასტინ პორიე (აშშ) გაარკვევენ.
მებრძოლებმა წონა უკვე წარმატებით ჩააბარეს და მათ შორის პირისპირ დგომიც შედგა.
მახაჩევს 13-ბრძოლიანი წაუგებელი სერია აქვს და უკვე მესამედ შეეცდება მსუბუქი წონის ტიტულის დაცვას. რუსი ბრძოლაში აშკარა ფავორიტად მიიჩნევა, თუმცა პორიეს ჩამოწერაც არ შეიძლება.
საჩემპიონო ბრძოლასთან ერთად მთავარ ღონისძიებაზე შემდეგ დაპირისპირებებსაც ვიხილავთ:
რენდი ბრაუნი (იამაიკა) - ელიზეუ ზალესკი დოს სანტოსი (ბრაზილია)
ნიკო პრაისი (აშშ) - ალექს მორონო (აშშ)
კევინ ჰოლანდი (აშშ) - მიხალ ოლექსიეჩუკი (პოლონეთი)
შონ სტრიკლენდი (აშშ) - პაულო კოშტა (ბრაზილია)
