VIDEO: უხვგოლიანი ფრე ლიონში - ყველაფერი ოლდ ტრაფორდზე გაირკვევა
10 აპრ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
უეფას ევროპა ლიგის 1/4 ფინალური ეტაპის პირველ მატჩში ლიონმა საკუთარ მოედანზე მანჩესტერ იუნაიტედი მიიღო. სასტარტო შემადგენლობაში იყო გიორგი მიქაუტაძე, რომელმაც შეხვედრა სრულად ჩაატარა.
თამაში უხვგოლიანი გამოდგა და საბოლოოდ 2-2 დასრულდა. გუნდებმა პირველ ტაიმში თითო გოლი გაიტანეს.
26-ე წუთზე ანგარიში ტიაგო ალმადამ გახსნა, რომელმაც საჯარიმო დარტყმიდან გაიტანა გოლი, ანდრე ონანამ არადამაჯერებლად ითამაშა. კომპენსირებულ დროში კი წონასწორობა ლენი იორომ აღადგინა.
მატჩის მიწურულს კიდევ 2 გოლი გავიდა. 88-ე წუთზე ჯოშუა ზირკზემ ბრუნო ფერნანდეშის ჩაწოდების შემდეგ თავური დარტყმით გაიყვანა წინ იუნაიტედი.
კომპენსირებულ მე-5 წუთზე კი გიორგი მიქაუტაძის დარტყმის შემდეგ ბურთი ონანამ მოიგერია, რომელიც შერკის მიუვიდა, რაიანმა კი დამატებაზე აიღო მანჩესტერის კარი და ლიონი წაგებას გადაარჩინა.
გუნდებს შორის საპასუხო მატჩი 17 აპრილს ოლდ ტრაფორდზე გაიმართება და მომდევნო ეტაპზე გამსვლელის ვინაობა გაირკვევა.
