ვიდეო: არველაძის გოლი რეალის ლეგენდებთან

ამსტერდამში, იოჰან კრუიფის არენამ აიაქსისა და მადრიდის რეალის ლეგენდების მატჩს უმასპინძლა. აღნიშნული შეხვედრა ამსტერდამული კლუბის 125 წლის იუბილეს მიეძღვნა.

მატჩში სხვა ლეგენდებთან ერთად მონაწილეობა მიიღო შოთა არველაძემაც, რომელმაც გოლის გატანაც მოახერხა. ქართველი თავდამსხმელი მოედანზე პირველი ტაიმის მიმდინარეობისას პატრიკ კლუივერტის ნაცვლად შემოვიდა, ტაიმის მიწურულს კი რაიან ბაბელის პასის შემდეგ რეალის კარი აიღო.

აიაქსმა რეალი 2-1 დაამარცხა. ამსტერდამელთა მხრიდან მეორე გოლი სიმ დე იონგმა გაიტანა, მადრიდელთა რიგებში კი თავი რუბენ დე ლა რედმა გამოიჩინა.

Still got it, @Arveladze_Shota! 🇬🇪 pic.twitter.com/bIaGlE5V1v

— AFC Ajax (@AFCAjax) November 17, 2024