VIDEO: მამარდაშვილის შეცდომა - ვალენსიამ მაინც მოიგო

ესპანეთის ლა ლიგის 27-ე ტურში ვალენსიამ მესტალიაზე ვალიადოლიდს უმასპინძლა. ღამურების კარს ტრადიციულად გიორგი მამარდაშვილი იცავდა.

შეხვედრაში ანგარიში მე-7 წუთზე დიეგო ლოპესმა გახსნა და მასპინძლები დააწინაურა. მე-40 წუთზე პასის დროს შეცდომა ქართველმა მეკარემ დაუშვა, რითიც ხუან ლატასამ ისარგებლა და ანგარიში გაათანაბრა.

58-ე წუთზე ღამურები წინ უმარ სადიქმა გაიყვანა და საბოლოოდ ვალენსიას მნიშვნელოვანი თამაში მოაგებინა კიდეც.

ამ მომენტში მესტალიას ბინადრები 27 ქულით მე-16 ადგილზე არიან და გასავარდნ ზონას 1 ქულით უსწრებენ.

7' ლოპესი 1-0

40' მამარდაშვილის შეცდომა და ლატასას გოლი 1-1

58' სადიქი 2-1