ვიდეო: სუარესის დუბლი და მესის 3 გოლი - ინტერ მაიამის ტრიუმფი

MLS-ის ბოლო სათამაშო დღეს ინტერ მაიამიმ საკუთარ მოედანზე ნიუ ინგლენდ რევოლუშენი მიიღო და მეტოქე 6-2 დაამარცხა.

34-ე წუთისთვის ანგარიში 0-2 იყო, თუმცა ამის შემდეგ მასპინძლებმა 6 უპასუხო გოლის გატანა მოახერხეს.

2 გოლი ლუის სუარესმა მიითვალა, 3 გოლი ლეო მესიმ და ერთიც ბენჟამინ კრემასკიმ.

აღსანიშნავია, რომ მესიმ ჰეთთრიქი ზედიზედ მე-2 მატჩში შეასრულა.

ინტერ მაიამიმ რეგულარულ სეზონში ჩატარებულ 34 მატჩში 74 ქულა მოაგროვა და აღმოსავლეთ კონფერენცია პირველ ადგილზე დაასრულა, მეტიც გუნდს ორივე კონფერენციის ჯამში საუკეთესო შედეგი ჰქონდა. ინტერმა რეგულარული სეზონის ქულების რეკორდიც მოხსნა.

მატჩის შემდეგ გუნდმა Supporters Shield-ის ტიტულიც ჩაიბარა, რომელიც MLS-ის რეგულარული სეზონის საუკეთესო გუნდს გადაეცემა ხოლმე.

პლეიოფში ინტერ მაიამი მონრეალსა და საბა ლობჟანიძის ატლანტა იუნაიტედს შორის გამარჯვებულს დაუპირისპირდება.

რეგულარული სეზონი ინტერ მაიმის ლიდერებმა ლეო მესიმ და ლუის სუარესმა საოცარი სტატისტიკით დაასრულეს.

მესი - 19 მატჩი, 20 გოლი, 10 საგოლე გადაცემა

სუარესი - 27 მატჩი, 20 გოლი, 9 საგოლე გადაცემა