ვიდეო: სუარესის, ლობჟანიძისა და ალბას გოლები - მაიამიმ ატლანტა დაამარცხა

MLS-ის პლეიოფში ატლანტა იუნაიტედსა და ინტერ მაიამის შორის პირველი მატჩი გაიმართა. სასტარტო შემადგენლობაში იყო საბა ლობჟანიძე, რომელმაც შეხვედრა სრულად ჩაატარა.

თამაშში ანგარიში მალევე გაიხსნა. მე-2 წუთზე მასპინძლები ლუის სუარესმა დააწინაურა. ტაიმის ბოლოს კი ატლანტამ ანგარიში გაათანაბრა. 39-ე წუთზე საბა ლობჟანიძე საჯარიმოში კარგად გაიხსნა და მარცხენა ფეხით მეტოქის კარი აიღო.

მე-60 წუთზე გამარჯვების გოლი ჟორდი ალბამ გაიტანა, რომელსაც საგოლე გადაცემა ლეო მესიმ გაუკეთა, ესპანელმა მცველმა კი შორეული გასროლით ინტერი კვლავ წინ გაიყვანა.

მატჩი ინტერ მაიამის გამარჯვებით 2-1 დასრულდა. გუნდებს შორის მეორე შეხვედრა 3 ნოემბერს გაიმართება.