2026 წლის მსოფლიო თასი ესპანეთის ტრიუმფით დასრულდა - ლუის დე ლა ფუენტეს გუნდმა ფინალში არგენტინა 1:0 დაამარცხა და მსოფლიო ჩემპიონობა ისტორიაში მეორედ იზეიმა. დღევანდელ ბლოგში გუშინდელი მატჩის საინტერესო ფაქტებსა და სტატისტიკებს შემოგთავაზებთ.
მსოფლიო ჩემპიონატების ფინალების ისტორიაში პირველად დაპირისპირებული მხარეების მოთამაშეთა შორის ასაკში განსხვავება 20 წელი იყო - 39 წლის ლეო მესი 19 წლის ლამინ იამალზე 20 წლითა და 19 დღით უფროსია.
ინგლისთან მატჩში არგენტინელთა ბოლო დარტყმიდან ესპანეთთან ფინალში პირველ დარტყმამდე - 141 წუთსა და 58 წამში, ლიონელ სკალონის შეგირდები 25-ჯერ დაჯარიმდნენ.
2026 წლის მსოფლიო თასზე ნაჩვენები ბოლო 9 ბარათიდან ყველა არგენტინელებმა მიიღეს - 3 ინგლისთან, 6 ესპანეთთან.
არგენტინელთა უხეშობის მიუხედავად, წლევანდელ მუნდიალზე რეკორდულად ცოტა ჯარიმა ფიქსირდებოდა, საშუალოდ 23 ჯარიმა მატჩში, რაც 1966 წლის შემდეგ (რაც სტატისტიკა იწარმოება) ყველაზე დაბალი შედეგია.
ერთ მუნდიალზე გაკეთებული ყველაზე მეტი ზუსტი პასების ასპექტში ესპანელები დომინირებენ:
756 - როდრი. 2026.
671 - პაუ კუბარსი. 2026.
638 - როდრი. 2022.
616 - აიმერიკ ლაპორტი. 2026.
596 - ჩავი. 2010.
2026 წლის მსოფლიო თასზე როდრიმ 122 ხაზის გამჭრელი გადაცემა გააკეთა, რაც 2010 წლის შემდეგ საუკეთესო მაჩვენებელია - სამხრეთ აფრიკის მუნდიალზე 126 პასით საუკეთესო ჩაბი ალონსო იყო.
როდრი მეოთხე ფეხბურთელია ისტორიაში, რომელმაც მსოფლიო თასი, ევროპის ჩემპიონატი, ჩემპიონთა თასი/ლიგა და ოქროს ბურთი მოიგო - ესპანელამდე იგივე შედეგს გერდ მიულერმა, ფრანც ბეკემბაუერმა და ზინედინ ზიდანმა მიაღწიეს.
ესპანეთის ნაკრების მეტოქეების მოსალოდნელი გოლების ალბათობა 2026 წლის მსოფლიო თასზე 0,3-ს შეადგენდა, რაც ბოლო 60 წელიწადში საუკეთესო შედეგია.
19 წლის პაუ კუბარსიმ ფინალური მატჩის 5 სხვადასხვა კომპონენტში ილიდერა:
შეხებები - 139 ზუსტი პასები - 121
პასების სიზუსტის პროცენტულობა - 96%
ხაზის გამჭრელი გადაცემები - 21
ბურთის გამოტანები - 6
ესპანეთის ნაკრებმა 2026 წლის მუნდიალზე მხოლოდ ერთი გოლი გაუშვა, რაც გათამაშების მომგებ გუნდებს შორის რეკორდია.
ლამინ იამალი გახდა პირველი თინეიჯერი, რომელმაც ევროპის ჩემპიონატისა და მსოფლიო თასის ფინალში ითამაშა.
ლამინი და კუბარსი გახდნენ მეოთხე და მეხუთე თინეიჯერები, რომლებმაც მსოფლიო თასის ფინალში ძირითადი შემადგენლობიდან დაიწყეს.
პელე - 1958 (17 წ. 249 დ.)
ჯუზეპე ბერგომი - 1982 (18 წ. 201 დ.)
კილიან მბაპე - 2018 (19 წ. 207დ.)
ესპანეთის ნაკრები უკვე 38 მატჩია არ მარცხდება - რაც ევროპულ და სამხრეთამერიკულ გუნდებს შორის საუკეთესო მაჩვენებელია.
ფერან ტორესი მეორე ფეხბურთელია, რომელმაც მსოფლიო თასის ფინალში გამარჯვების გოლი ცვლილებაზე შემოსვლის შემდეგ გაიტანა - პირველად ეს 2014 წელს მარიო გიოთსემ გააკეთა. ორივე ფეხბურთელმა არგენტინას გაუტანა.
1930, 1990 და 2014 წლების შემდეგ არგენტინამ კიდევ ერთი მსოფლიო თასის ფინალი დათმო და წაგებული ფინალების რაოდენობით გერმანიას გაუთანაბრდა.
გუშინდელი ფინალი პირველი მატჩი იყო მუნდიალებზე, სადაც ლიონელ მესიმ ძირითადიდან დაიწყო და თანაგუნდელებს ვერცერთი შანსი შეუქმნა.
არგენტინა გახდა პირველი გუნდი, რომელმაც მსოფიო თასის ფინალში 90 წუთის განმავლობაში კარისკენ ვერ დაარტყა.
ლიონელ მესი გახდა მეორე ფეხბურთელი, რომელმაც მუნდიალის სამ ფინალში ითამაშა - კაფუსგან განსხვავებით არგენტინელმა ნაკრებს სამივე ფინალში უკაპიტნა.
