2026 წლის მსოფლიო ჩემპიონატზე არაერთი ისტორიული რეკორდი დამყარდა.
ესპანეთის ნაკრები გახდა პირველი ქვეყანა, რომელიც ერთდროულად ფლობს მამაკაცთა და ქალთა მსოფლიო ჩემპიონატის ტიტულს. გუნდმა ტურნირი ისე მოიგო, რომ არცერთ მატჩში არ აღმოჩენილა დამარცხებულის როლში, რაც მანამდე მხოლოდ იტალიამ (1938, 1982) და გერმანიამ (1990) შეძლეს. გარდა ამისა, ესპანეთმა დაამყარა მამაკაცთა ნაკრებებს შორის ყველაზე ხანგრძლივი წაუგებელი სერია ოფიციალურ მატჩებში (38).
მიუხედავად ფინალში დამარცხებისა, მესიმ მსოფლიო ჩემპიონატების ისტორიაში საკუთარი სახელი კიდევ ერთხელ ჩაწერა. იგი გახდა მოთამაშე ყველაზე მეტი ჩატარებული მატჩით (34), საგოლე გადაცემებით (12) და შექმნილი საგოლე მომენტებით (24). მესი ასევე პირველი ფეხბურთელია, რომელმაც გოლი ზედიზედ ცხრა მატჩში და ექვს ზედიზედ პლეი-ოფის შეხვედრაში გაიტანა.
მადრიდის რეალის თავდამსხმელმა კილიან მბაპემ მსოფლიო ჩემპიონატების ისტორიაში ყველა დროის საუკეთესო ბომბარდირის ტიტული მოიპოვა. მან ტურნირზე 10 გოლი გაიტანა, რითაც მისი საერთო მაჩვენებელი 22-მდე გაიზარდა და ლიონელ მესის შედეგი (21) გააუმჯობესა.
ემილიანო მარტინესს ფინალში 11 სეივი ჰქონდა, რაც ფინალების ისტორიაში რეკორდული მაჩვენებელია. არგენტინა გახდა პირველი გუნდი, რომელმაც ფინალში რეგულარულ დროში არცერთი დარტყმა არ განახორციელა.
მთლიან ტურნირზე ასევე დაფიქსირდა რეკორდული რაოდენობის ავტოგოლები (14), შეცვლაზე შემოსული მოთამაშეების გოლები (57) და ქამბექით მოგებული მატჩები (15).
კრიშტიანუ რონალდუ გახდა ყველაზე ასაკოვანი მოთამაშე (41 წელი და 147 დღე), რომელმაც პლეი-ოფის ეტაპზე გოლის გატანა შეძლო. პორტუგალიელი ლეგენდა ასევე ერთადერთი ფეხბურთელია, რომელმაც 6 სხვადასხვა მსოფლიო ჩემპიონატზე გაიტანა გოლი.
