მათეუსი: „რასაც არგენტინა ფინალში ცდილობდა, ამას ფეხბურთთან საერთო არაფერი ჰქონდა"

გერმანიის ნაკრების ყოფილმა ფეხბურთელმა, ლოტარ მათეუსმა 2026 წლის მსოფლიო ჩემპიონატის ფინალურ მატჩზე ისაუბრა, რომელშიც ესპანეთმა არგენტინა დამატებით დროში (1:0) დაამარცხა.

„არგენტინელებს 0:0 ანგარიშის შენარჩუნება და საქმის პენალტების სერიამდე მიყვანა სურდათ. ამას ფეხბურთთან საერთო არაფერი ჰქონდა. მოსაწყენი ფინალი გამოდგა.

არგენტინა შეტევაში საერთოდ არ გადადიოდა და მეტოქის ნახევარზე გადასვლაც კი ვერ შეძლო. თუმცა, ეს, რა თქმა უნდა, ესპანეთის ძლიერი ნაკრების დამსახურებაცაა.

აშკარაა, რომ ესპანეთის ნაკრები კარგი იყო. ისინი შექებას იმსახურებენ. შრომა არ შეუწყვეტიათ, თუმცა აზარტი და ჟინი მაინც დამაკლდა, როდესაც მოედანზე მხოლოდ ერთი გუნდი თამაშობს.

არგენტინას 120-ე წუთამდე კარში ერთი დარტყმაც კი არ ჰქონია. ეს საკმარისი არ არის.

ამიტომაც მიხარია, რომ ესპანეთის ნაკრებმა - როდრით სათავეში კაპიტნის რანგში - თასის თავს ზემოთ აღმართვა შეძლო“, – განაცხადა ლოტარ მათეუსმა Bild-თან ინტერვიუში.