ასრულებს თუ არა მესი სანაკრებო კარიერას?

არგენტინის ნაკრების კაპიტანს, ლიონელ მესის ეროვნულ გუნდში მომავალთან დაკავშირებით საბოლოო გადაწყვეტილება ჯერ არ მიუღია.

TyC Sports-ის ინფორმაციით, 39 წლის ფეხბურთელი 2026 წლის მსოფლიო ჩემპიონატზე ისე გაემგზავრა, რომ გადაწყვეტილება მიღებული არ ჰქონია.

მესის თავისი ახლობლებისთვის არ უთქვამს, რომ მუნდიალზე ითამაშებდა და ამის შემდეგ ეროვნულ ნაკრებში კარიერას დაასრულებდა.

ნაკლებად სავარაუდოა, რომ მსოფლიო ჩემპიონატის ფინალური მატჩი ესპანეთის წინააღმდეგ (0:1 დამატებით დროში) მესისთვის არგენტინის ნაკრების მაისურით უკანასკნელი აღმოჩნდეს.

შეგახსენებთ, რომ მესიმ დასრულებულ მუნდიალზე 8 მატჩში 8 გოლი გაიტანა და მესამე ფინალში შეძლო გასვლა, სადაც ესპანეთთან დამარცხდა.