ესპანელების სახალისო გამოხმაურება პარედესის ინციდენტზე

მადრიდში გამართულ საზეიმო აღლუმზე ესპანეთის ნაკრების ფეხბურთელებმა მსოფლიო ჩემპიონატის ფინალში არგენტინელებთან მომხდარი ინციდენტი ღიად გააქილიკეს.

ფაბიან რუისმა გულშემატკივრის მიერ მიწოდებული ბანერი კამერების წინ აწია, რომელზეც ცნობილი ესპანური საბრძოლო შოუს, „ველადა დელ აგნოს“ სტილში, ლეანდრო პარედესისა და გავის პოტენციური ორთაბრძოლა - „პარედესი vs გავი“ იყო დაანონსებული.

აღნიშნული ირონიული ჟესტი მატჩის მიწურულს მომხდარ არეულობას უკავშირდება, როდესაც პარედესმა ფინალური სასტვენის შემდეგ გავი უხეშად წააქცია.

პლაკატის ჩვენების პარალელურად, ვიდეოში კარგად ჩანს, როგორ იმეორებდა ახალგაზრდა ვარსკვლავი ლამინ იამალი კამერის წინ ფრაზას „See you“, რაც ესპანელების მხრიდან არგენტინელების მიმართ გაჟღერებულ მორიგ პრინციპულ და ირონიულ გზავნილად იქცა.