2018 წლის შემდეგ პირველად, ჯოკოვიჩმა ზედიზედ 3 მატჩი წააგო

სეზონის პირველ მასტერსის ტურნირზე ნოვაკ ჯოკოვიჩი პირველივე მატჩში დამარცხდა.

განთესვის გამო პირველი წრის გამოტოვების შემდეგ, მეორე წრეში მისი მეტოქე ნიდერლანდელი ბოტიჩ ვან დე ზანდშლუპი იყო, რომელმაც ნოვაკს სამ სეტში, 6:2 3:6 6:1 მოუგო და შემდეგ ეტაპზე გავიდა.

თამაში 2 საათსა და 2 წუთს გაგრძელდა.

2018 წლის შემდეგ პირველად, ჯოკოვიჩმა ზედიზედ სამი მატჩი წააგო - ავსტრალიის ღია პირველობის ნახევარფინალი, დოჰაში პირველივე მატჩი მატეო ბერეტინისთან და ახლა ინდიან უელსზე, ბოტიჩ ვან დე ზანდშლუპთან.