2025 წელს სერია ა-ში მესამე, ხანმოკლე სატრანსფერო ფანჯარა დაემატება

იანვრის და ივლისი-აგვისტოს სატრანსფერო ფანჯრის გარდა, იტალიაში მესამე, ხანმოკლე ფანჯარაც დაემატება.

კერძოდ, მომავალ ზაფხულს სერია ა-ში სატრანსფერო ფანჯარა 1-დან 10 ივნისის ჩათვლით იქნება გახსნილი.

ეს იმისთვის გაკეთდება, რომ მსოფლიოს ახალ საკლუბო ჩემპიონატში მონაწილე გუნდებმა ტურნირისთვის საუკეთესოდ შეძლონ მომზადება და თუ საჭიროა, გაძლიერება.

შეგახსენებთ, რომ ახალი ფორმატით მსოფლიო საკლუბო ჩემპიონატი 4 წელიწადში ერთხელ ჩატარდება და მასში მონაწილეობას 32 გუნდი მიიღებს, საიდანაც 12 ევროპულია. ტურნირი სტარტს 15 ივნისს აიღებს და 13 ივლისამდე გაგრძელდება. 

იტალიიდან ტურნირში მონაწილეობას ინტერი და იუვენტუსი მიიღებენ.