90 წუთი ტრავმით ითამაშა - მამარდაშვილი მოედანს 2025-ში დაუბრუნდება

გიორგი მამარდაშვილმა საფეხბურთო 2024 წელი დაასრულა.

GeoTeam-ის ინფორმაციით, ვალენსიას ქართველმა მეკარემ რაიო ვალეკანოსთან მატჩში კუნთი გაიჭიმა და მთელი თამაში ტრავმით ითამაშა.

ამ დაზიანების გამო, მამარდაშვილი ვარჯიშს 3-4 კვირაში განაახლებს, რაც იმას ნიშნავს, რომ საფეხბურთო მოედანზე უკვე 2025 წელს დაბრუნდება.

წლის უკანასკნელ შეხვედრაში მისი ვალენსია საკუთარ კედლებში რაიო ვალეკანოსთან დამარცხდა. გუნდი 14 მატჩში 10 ქულით გასავარდნ ზონაში იმყოფება.