ამორიმის პირველი გამარჯვება პრემიერ ლიგაში

ინგლისის პრემიერ ლიგის მე-13 ტურში მანჩესტერ იუნაიტედმა ოლდ ტრაფორდზე ევერტონი მიიღო.

შეხვედრაში ანგარიში 34-ე წუთზე გაიხნა. კუთხურიდან ბრუნო ფერნანდეშის ჩამოწოდებული ბურთი მარკუს რაშფორდმა გადაგზავნა კარისკენ, რომელიც რიკოშეტის შემდეგ კარის ბადეში აღმოჩნდა.

41-ე წუთზე სტუმართა შეცდომით მანჩესტერმა ისარგებლა და ჯოშუა ზირკზემ სხვაობა ორამდე გაზარდა. საგოლე გადაცემა ისევ ბრუნო ფერნანდეშმა მიითვალა. იუნაიტედმა კი პირველი ტაიმი 2-0 მოიგო.

მეორე ტაიმის პირველი შეტევაში რუბენ ამორიმმა მე-3 გოლიც გაიტანა. ამად დიალოს პასის შემდეგ მარკუს რაშფორდმა დუბლი შეასრულა.

64-ე წუთზე კიდევ ერთი დუბლი ვიხილეთ. ამჯერად თავი კიდევ ერთხელ ჯოშუა ზირკზემ გამოიჩინა, ასისტენტი კი ისევ დიალო აღმოჩნდა.

საბოლოოდ მანჩესტერმა 4-0 იმარჯვა და პრემიერ ლიგაში 13 მატჩის შემდეგ 19 ქულა დააგროვა, რითიც სატურნირო ცხრილში მე-9 ადგილზე გადაინაცვლა.

რუბენ ამორიმმა პრემიერ ლიგაში პირველი გამარჯვება მოიპოვა.