ანჩელოტი: "კლასიკოს წაგება თავდაპირველ გადაწყვეტილებას არ შეგვიცვლის"

ზედიზედ მეორე კლასიკოში განადგურების შემდეგ, კარლო ანჩელოტიმ მხნეობა გამოთქვა.

ხვალ მადრიდელები კოპა დელ რეის 1/8 ფინალში სელტას დაუპირისპირდებიან.

- წლის პირველი მატჩი ბერნაბეუზე. როგორ თამაშს ელოდებით?

ეს კარგი შესაძლებლობაა იმ წარუმატებელი მატჩის შემდეგ, რომელმაც ძალიან დაგვაზარალა, მაგრამ არ ჩავძირულვართ, სწორი რეაგირება გვჭირდება. კარგი მატჩი გველის კარგი მეტოქის წინააღმდეგ, გუნდმა ძლიერი რეაქცია უნდა გამოავლინოს. 

მარცხი - უკან გადადგმული ნაბიჯია?

ეს არის უკან გადადგმული ნაბიჯი, მაგრამ წინსვლა უნდა გავაგრძელოთ. სეზონი ჯერ კიდევ წინ არის და ჩვენ ყველა ტურნირზე კარგი პოზიციები გვაქვს. ცუდი თამაში იყო, რომელშიც ბევრი შეცდომა დავუშვით, თუმცა გავაანალიზეთ და გამოსავალი ვიპოვეთ. წინ უნდა ვიყუროთ.

თქვენ ამბობდით, რომ წლევანდელი შემადგენლობა უკეთესია, ვიდრე შარშანდელი. კონკრეტულად რით?

უფრო ახალგაზრდები ვართ, ენერგიულები, ხარისხი და მიზანდასახულობა გვაქვს. ისინი ამას ყოველთვის ვერ ავლენენ, მაგრამ ამ გუნდში დარწმუნებული ვარ. საკონტინენტთაშორისო თასი და ევროპის სუპერთასი მოვიგეთ, ვიბრძვით.

იანვრის ტრანსფერები...

გუნდში დავილაპარაკეთ და თავდაპირველ გადაწყვეტილებას არ შევცვლით, იანვარში ტრანსფერების გაკეთებას არ ვაპირებთ. არ დავასახელებ დეტალებს, რაზეც ვისაუბრეთ.