ანჩელოტი: "ლა ლიგის ჩემპიონობის ბედი ბოლო ტურში გადაწყდება"

კარლო ანჩელოტიმ ლა ლიგის საჩემპიონო ბრძოლაზე ისაუბრა.

ბარსელონა ესპანეთის ჩემპიონატში 51 ქულით ლიდერობს და რეალს მხოლოდ დამატებითი მაჩვენებლებით უსწრებს, მესამეზე კი ატლეტიკოა 50 ქულით.

„რთულია ისეთი კონკურენტული ლიგის პოვნა, როგორიც ესპანურია, განსაკუთრებით ამ სეზონში. იტალიაში და ინგლისში ამდენი გუნდი ჩემპიონობისთვის არ იბრძვის.

სამ გუნდს შორის სხვაობა მხოლოდ ერთი ქულაა. ჩემპიონობის ბედი ბოლო ტურში გადაწყდება." - აღნიშნა იტალიელმა სპეციალისტმა.