ბრაზილიის ნაკრების მთავარმა მწვრთნელმა, კარლო ანჩელოტიმ დაადასტურა, რომ ნეიმარი კარგ ფიზიკურ ფორმაშია, თუმცა იაპონიასთან 1/16 ფინალურ მატჩში ის შეხვედრას კვლავ სათადარიგოთა სკამიდან დაიწყებს.
სანტოსის 34 წლის ვარსკვლავმა მუხლის მძიმე ტრავმების გამო გამოწვეული სამწლიანი პაუზა შოტლანდიასთან ჯგუფური ეტაპის ბოლო მატჩში დაასრულა, სადაც მოედანზე შეცვლაზე შევიდა. მიუხედავად იმისა, რომ ფანებს მისი ძირითადში ხილვის იმედი ჰქონდათ, იტალიელი სპეციალისტი სიფრთხილეს იჩენს.
ნეიმარმა ძალიან კარგად პროგრესირდა და გასულ კვირას ბევრი მოუმატა. სამწუხაროა, რომ ის ჩვენთან ერთად მთელი ამ დროის განმავლობაში სრულფასოვნად ვერ ვარჯიშობდა. მას 15 წუთზე მეტის თამაში შეუძლია და კარგ ფორმაშია, თუმცა ყველაფერი მატჩის კონტექსტსა და იმაზე იქნება დამოკიდებული, თუ როგორ განვითარდება მოვლენები
მატჩის წინ მცირე სკანდალიც აგორდა - იაპონიის ნაკრებისა და ვოლფსბურგის 21 წლის თავდამსხმელმა კენტო შიოგაიმ აღნიშნა, რომ ბრაზილია მსოფლიო ფეხბურთში ძველ ძალას კარგავს. ანჩელოტიმ მეტოქის ამ განცხადებას „ფსიქოლოგიური თამაშები“ უწოდა და აღნიშნა, რომ მისი გუნდი მსგავს სიტყვიერ პაექრობაში ჩაბმას არ აპირებს და მხოლოდ მოედანზეა კონცენტრირებული.
იაპონიის ნაკრები ბრაზილიისთვის მარტივი მეტოქე არ იქნება, აზიელებს 10-მატჩიანი წაგებელი სერია აქვთ, რომლის ფარგლებშიც გასულ ოქტომბერში ტოკიოში ბრაზილია 3:2 დაამარცხეს, ვემბლიზე კი ინგლისს მოუგეს. მიმდინარე მუნდიალის ჯგუფურ ეტაპზე იაპონელებმა ნიდერლანდებთან და შვედეთთან ფრე ითამაშეს, ტუნისი კი 4:0 გაანადგურეს.
