იურგენ კლოპი რეალის ინტერესზე გავრცელებულ ინფორმაციას გამოეხმაურა.
„ვარ თუ არა აჟიტირებული, რომ ჩემით რეალი ინტერესდება? არა, რადგან სინამდვილეში არც ინტერესდება — ეს უბრალოდ მედიის აჟიოტაჟია.
თანმიმდევრული ადამიანი ვარ და აზრს ერთ ღამეში არ ვიცვლი. რა თქმა უნდა, სრულად არაფერს გამოვრიცხავ, მაგრამ 58 წლის ვარ და ჩემს ამჟამინდელ პოზიციაზე ძალიან ბედნიერი ვარ.
„ვიცი, რომ შემიძლია საფეხბურთო გუნდის გაწვრთნა, მაგრამ ეს არ ნიშნავს, რომ ამ საქმეს ცხოვრების ბოლომდე უნდა ვაკეთებდე. მინდოდა, რაღაც სხვა მეცადა.
Red Bull-მა მომცა შესაძლებლობა, მეპოვა როლი, რომელიც ნაბიჯ-ნაბიჯ ერთად ჩამოვაყალიბეთ. ახლა ისეთ მდგომარეობაში ვარ, რომ სრულიად მაკმაყოფილებს ის, სადაც ვარ. არ მინდა სადმე სხვაგან ყოფნა. გავიცანი ბევრი ადამიანი, ვისაც ადრე არ ვიცნობდი. დავესწარი არაერთ საქმიან შეხვედრას და ვისწავლე სიტყვები, რომელიც მანამდე არ ვიცოდი.
კარგი პერიოდი მიდგას. ერთ წელიწადში თითქოს ხუთწლიანი გამოცდილება მივიღე“, — განაცხადა გერმანელმა სპეციალისტმა.
ამჟამად კლოპი Red Bull-ის საფეხბურთო მიმართულების გლობალური ხელმძღვანელის პოსტს იკავებს. გავრცელებული ინფორმაციით, ზაფხულში მის დანიშვნას მთავარი მწვრთნელის პოსტზე მადრიდის რეალი შეეცდება.
