რეალის თავდამსხმელი კილიან მბაპე მუხლის ტრავმის აღდგენითი პროცესის დროს კლუბის ექიმებს აღარ ენდობა.
ამის შესახებ L’Equipe-ის ჟურნალისტმა ანტუან სიმონომ ისაუბრა.
თავდაპირველად ელოდნენ, რომ მბაპე მუხლის იოგების დაჭიმულობის გამო 3 კვირას გამოტოვებდა. რეალში სჯერათ, რომ მბაპე 17 მარტს ჩემპიონთა ლიგაზე მანჩესტერ სიტისთან საპასუხო მატჩში თამაშს შეძლებს, თუმცა კილიანის გარემოცვა ამ შეფასებას არ ეთანხმება.
რონალდუს რეკორდის გამეობას ცდილობდა და ეს არ იყო საუკეთესო იდეა
„ის დიდად არ ენდობა რეალის ექიმებს, რადგან მათ მისი ტრავმისთვის სწორი გამოსავალი ვერ იპოვეს. ის ამით უკვე სამი თვეა იტანჯება, თუმცა ნაწილობრივ ეს მისი ბრალიცაა, რადგან ტრავმირებული თამაშობდა და კრიშტიანუს ლეგენდარული რეკორდის გამეორებას ცდილობდა, რაც არ იყო საუკეთესო იდეა. მწვრთნელების ბრალიცაა, რადგან მას თამაშს აიძულებდნენ, როცა მზად არ იყო. [ესპანეთის სუპერთასზე] მან 15 წუთი ითამაშა, მაგრამ არ უნდა ეთამაშა.
ის საფრანგეთში გაემგზავრა გამოსავლის საპოვნელად, რადგან მისი ტრავმა არ რჩება. მან მიმართა ამ დარგის ერთ-ერთ საუკეთესო სპეციალისტს საფრანგეთში, რომელიც ბენზემას მკურნალობდა.
ის 100%-ით მზად არ არის და მისი მიზანია საფრანგეთის ნაკრებთან ერთად მსოფლიო ჩემპიონატზე ითამაშოს. გარდა ამისა, არის ლა ლიგა და ჩემპიონთა ლიგა, ამიტომ მას არ სურს საფრთხის ქვეშ დააყენოს რეალში სეზონის დასასრული და მსოფლიო ჩემპიონატზე მონაწილეობა. მისი გარემოცვა ამბობს, რომ ის არ დაბრუნდება, სანამ 100%-ით მზად არ იქნება. მას აღარ სურს რისკზე წასვლა და დისკომფორტით თამაში, რასაც ბოლო ორნახევარი თვის განმავლობაში აკეთებდა“, – განაცხადა სიმონომ Cadena SER-თან ინტერვიუში.
