ბარსელონას სპორტული დირექტორი, დეკუ სატრანსფერო ფანჯრის დახურვამდე ბოლო ხმაურიანი გარიგების გასაჩარხად მუშაობს.
ესპანური გამოცემა Sport-ის ინფორმაციით, კატალონიელები მილანის ინტერს ფედერიკო დიმარკოს ტრანსფერზე ესაუბრებიან, რის სანაცვლოდაც იტალიელებს ალექსანდრე ბალდესა და დამატებით თანხას სთავაზობენ.
ბალდეს გუნდიდან წასვლის ალბათობა მას შემდეგ გაიზარდა, რაც ჰანსი ფლიკმა ნათლად მიანიშნა, რომ მას ძირითად შემადგენლობაში საკვანძო როლს აღარ ანიჭებს. ჟოაუ კანსელუს გუნდში მოსვლამ და ჩავი ესპარტის კარგმა ფორმამ მარცხენა მცველის პოზიციაზე კონკურენცია მაქსიმალურად გაზარდა.
ბარსელონასა და ინტერს შორის მოლაპარაკებები ბოლო საათებში განსაკუთრებით გააქტიურდა. მიუხედავად იმისა, რომ 28 წლის დიმარკო იტალიელებისთვის ერთ-ერთი მთავარი და ხელშეუხებელი ფიგურაა, კატალონიელები იმედოვნებენ, რომ სატრანსფერო ფანჯრის დარჩენილ სამ დღეში ინტერის დათანხმებასა და გარიგების დახურვას შეძლებენ.
