ბერნარდუ სილვა: "სიტის კრიზისის მიზეზად როდრის ვერ დავასახელებთ, მის გარეშე ორი პრემიერ ლიგა მოვიგე"

ბერნარდუ სილვას მან სიტის კრიზისის თავის მართლების მიზეზად როდრი არ მიაჩნია.

ქალაქელებმა ბოლო 15-დან მხოლოდ 3 მატჩი მოიგეს და გუნდი სატურნირო ცხრილში მე-6 ადგილს იკავებს, ლიდერ ლივერპულს 12 ქულით ჩამორჩება.

„პრემიერ ლიგა როდრის გარეშე ორჯერ მოვიგე. კევინ დე ბრუინმა, რომელიც ჩემი და ბევრი სხვის აზრით, პრემიერ ლიგის ისტორიაში ერთ-ერთი საუკეთესოა, სიტის ისტორიაში კი სულაც საუკეთესო, ჩვენი ექვსი საჩემპიონო სეზონიდან ორში ტრავმების გამო დიდი პერიოდი გამოტოვა.

ასე რომ, თავს ამით ვერ გავიმართლებთ. თუნდაც იმიტომ, რომ როდრის პოზიციაზე კოვაჩიჩი თამაშობს, ამ სეზონის ერთ-ერთი ჩვენი საუკეთესო ფეხბურთელი. რა თქმა უნდა, როდრი მნიშვნელოვანია, მისი მსგავსი მსოფლიოში მეორე არ არსებობს. თავის დაცვა და შეტევა, სტაბილურობა და გოლების მნიშვნელოვან მომენტებში გატანა - მის პოზიციაზე მისნაირი არავინ მახსოვს.

თუმცა, კრიზისის მთავარი მიზეზი მისი დაკარგვა არ არის - ჩვენ მცველებიც გვაკლდა, ინდივიდუალურად უფრო მეტი უნდა გაგვეკეთებინა და გაგვეაზრებინა, რომ საკუთარ დონესთნა არ ვიმყოფებით." - აღნიშნა ბერნარდუმ.