ბარსელონას ნახევარმცველმა, როდრიმ, რეალთან მოახლოებულ შეხვედრაზე ისაუბრა.
ლა ლიგის მე-10 ტურის ელ კლასიკო კვირას კამპ ნოუზე გაიმართება.
ესპანელი ფეხბურთელის თქმით, ჩემპიონთა ლიგაში პსჟ-სთან მარცხს (2:4) გუნდის განწყობა არ შეუცვლია.
„პარიზში წარუმატებლობა განვიცადეთ, თუმცა შემართება შევინარჩუნეთ და გვინდა, ჩვენი საქმე კვლავ კარგად ვაკეთოთ.
რეალი ჩვენგან განსხვავებული სტილით თამაშობს, მაგრამ მეტოქეობის სულისკვეთება ყოველთვის იგრძნობა, განსაკუთრებით ასეთ შეხვედრებში. ველით, რომ მადრიდელები მაქსიმუმს გაიღებენ.
ვფიქრობ, ბოლო 6-7 კლასიკოდან მხოლოდ ერთი მოიგეს, ამიტომ ახლა რევანშის სურვილი აქვთ“, - თქვა როდრიმ.
