ზოგი ყოფილი ბრაზილიელი ფეხბურთელი რეალ მადრიდის ფეხბურთელის დონეს აკრიტიკებს ეროვნულ ნაკრებში და ახსენებს, რომ ის ისეთი ლიდერი არ არის, როგორიც ნეიმარი იყო.
ვინისიუსი ბრაზილიაში კვლავ ქარიშხლის ეპიცენტრშია. მიუხედავად იმისა, რომ ხორვატიასთან 3-1 თამაშში მას კარგი პერფომანსი ჰქონდა და შესანიშნავი საგოლე გადაცემა გააკეთა, სიმართლე ისაა, რომ ბევრი ეჭვქვეშ აყენებს მის ლიდერობას ეროვნულ ნაკრებში. გარდა ამისა, იგივე კრიტიკოსები ვერ ხვდებიან, თუ რატომ არ იძახებს ანჩელოტი ნეიმარს გუნდში. ეს გადაწყვეტილება, მათი თქმით, ვინისაც აზიანებს, რადგან ის ეროვნულ გუნდში იმავე დონეს ვერ აჩვენებს, რასაც ლეგენდარული ნეიმარი.
რამდენიმე ყოფილი ბრაზილიელი ფეხბურთელი ვინისიუსის გარშემო მომხდარი მოვლენების ახსნას ცდილობენ. ბრაზილიის ნაკრებისა და სევილიას ყოფილი ფეხბურთელი, ლუის ფაბიანო, ამბობს:
„რაც შეეხება ვინის, ვფიქრობ, პრობლემა თავად ფეხბურთელშია. რადგან მას უკვე ჰქონდა შანსი დორივალთან და ასევე დინისთან. ვინის ბევრი შანსი ჰქონდა ტიტესთან ერთად, არა? და ჯერჯერობით არაფერი. ის ვერასდროს მიუახლოვდა იმას, რაც არის რეალ მადრიდში.
ის ერთადერთი არ არის, ვინც ვინიციუსის თამაშს აკრიტიკებს. ფაბიო ლუჩიანო, კიდევ ერთი ყოფილი ბრაზილიელი ფეხბურთელი, გაცილებით მკაცრია რეალ მადრიდის ამჟამინდელი ფეხბურთელის მიმართ:
„ვინის პრობლემა, უპირველეს ყოვლისა, ტაქტიკურია. ვფიქრობ, ამჟამინდელი ეროვნული ნაკრები, როგორც გუნდი, ვერ ახერხებს მის ისეთ სიტუაციებში ჩაყენებას, როგორიც მას რეალ მადრიდში აქვს. ვგულისხმობ მის ერთიი-ერთზე დატოვებას.”
ყოფილი ბრაზილიელი ფეხბურთელი ასევე მიიჩნევს, რომ ვინის არასრულყოფილი პერფომანსები მის ფსიქოლოგიურ პრობლემებსაც უკავშირდება:
„როდესაც ნეიმარი არ არის, ფიქრობს, რომ ნეიმარი უნდა იყოს. ვფიქრობ, ეს მისთვის ძალიან დიდი პასუხისმგებლობაა. მან ეს ტვირთი მხრებიდან უნდა მოიხსნას. შენ ნეიმარი არ ხარ. ყველაფერს მარტო ვერ გადაწყვეტ. ჩვენ ყველანი დაგეხმარებით. გააკეთე ის, რაც საუკეთესოდ გამოგდის, დაიცავი საკუთარი თავი. ჩვენ ვიმუშავებთ იმაზე, რომ თამაში ისე წარვადგინოთ, რომ თავი უფრო კომფორტულად იგრძნო. ძალიან გავბრაზდი, როდესაც ვინი 10-იანი ნომრით დავინახე.”
