ბრაზილიის ნაკრების მორიგი დანაკარგი: კიდევ ერთი ვარსკვლავი მსოფლიო ჩემპიონატს გამოტოვებს!
სელესაოსთვის პრობლემები გრძელდება. როდრიგოსა და ედერ მილიტაოს მძიმე ტრავმების შემდეგ, ბრაზილიის ნაკრებს მუნდიალზე კიდევ ერთი საკვანძო მოთამაშე დააკლდება.
როგორც ფაბრიციო რომანო და ბრაზილიური Globoesporte იუწყებიან, ტურნირზე გამგზავრებას ვერ მოახერხებს ამომავალი ვარსკვლავი - ესტევაო. ბრაზილიელ ტალანტს ბარძაყის ძველი ტრავმა გაუმიზეზდა და მსოფლიო ჩემპიონატის დაწყებამდე გამოჯანმრთელებას ვერ ასწრებს.
ეს ბრაზილიის შეტევისთვის უდიდესი დარტყმაა, რადგან ესტევაომ ნაკრებში ჩატარებულ ბოლო 6 მატჩში 5 გოლი გაიტანა.
ნეიმარის დაბრუნება?
ამ დანაკლისმა შესაძლოა გზა გაუხსნას ნეიმარის სასწაულებრივ დაბრუნებას. ნეიმარი ბრაზილიის ნაკრების გაფართოებულ, წინასწარ შემადგენლობაში უკვე შეყვანილია.
