BREAKING: კვარაცხელიას სიტუაციას ლივერპულიც აკვირდება

The Athletic-ის ინფორმაციით, ხვიჩა კვარაცხელიას მიმართ ინტერესს ლივერპულიც იჩენს.

ავტორიტეტული ჟურნალისტი დევიდ ორშტეინი იტყობინება, რომ მერსისაიდელები ამჟამად ვინგერის ძიებაში არ არიან, თუმცა თუ ხვიჩა კვარაცხელია სატრანსფერო ბაზარზე ხელმისაწვდომი ნამდვილად გახდება, შესაძლოა ფეხბურთელისთვის ბრძოლაში ჩაებან.

ლივერპულის გარდა, ხვიჩას მიმართ ინტერესს ინარჩუნებენ პსჟ და ჩელსიც. ამჟამად, ფავორიტად პარიზული კლუბი მოიაზრება, რომელიც ნაპოლისთან უკვე მოლაპარაკებებსაც მართავს.

ფაბრიციო რომანოს ცნობით, კვარაცხელიამ იანვარში ნაპოლიდან წასვლას მწვანე აუნთო და მისი ტრანსფერი სავსებით რეალურია.