ჩელსის ტელი სურს და მზადაა ტრანსფერში ნკუნკუც ჩართოს

ჩელსი ბაიერნის 19 წლის ფორვარდით ინტერესდება.

ფაბრიციო რომანოს ინფორმაციით, ლონდონელებმა მატის ტელის თაობაზე ინფორმაცია გამოითხოვეს. მოლაპარაკებები ორ კლუბს შორის საწყის ეტაპზეა.

BIld-ის ჟურნალისტი კრისტიან ფალკი ამატებს, რომ ჩელსიმ ბაიერნს ტრანსფერში კრისტოფერ ნკუნკუს ჩართვაც შესთავაზა. 

თავად ფეხბურთელი 10 დღის წინ ვენსან კომპანის ესაუბრა და უთხრა, რომ ბაიერნში სურს წარმატების მიღწევა.

ბუნდესლიგის მიმდინარე სეზონში ტელმა 7 მატჩში ჯერჯერობით გოლის გატანა ვერ მოახერხა.