შეთანხმება შედგა - კოლო მუანი პსჟ-ს ტოვებს

იტალიელი სპორტული ჟურნალისტის, ფაბრიციო რომანოს ინფორმაციით, რანდალ კოლო მუანი კარიერას იუვენტუსში გააგრძელებს.

მხარეებს შორის შეთანხმება შედგა და ფრანგი მოთამაშე სეზონის ბოლომდე პსჟ-დან იჯარის წესით სერია ა-ში გადავა, იუვენტუსს ზაფხულში მისი გამოსყიდვის უფლება არ ექნება.

კოლო მუანი შემოთავაზებას დაეთანხმა და სამედიცინო შემოწმებისთვის ტურინში ამ კვირაში გაფრინდება.

ბიანკონერი ფრანგის ანაზღაურებას იჯარის პერიოდში სრულად დაფარავს. მოთამაშის შეძენის სურვილის შემთხვევაში იუვენტუსი და პსჟ მოლაპარაკებებს ზაფხულში გამართავენ.