წაუგებელი სერია გრძელდება - ატალანტასთან მატჩში იუვენტუსმა სეზონში მე-13 ფრე ითამაშა

სერია ა-ს მე-19 ტურში ატალანტამ საკუთარ კედლებში იუვენტუსს უმასპინძლა.

შეხვედრა ბერგამოში გაიმართა და ფრედ 1:1 დასრულდა.

უგოლო პირველი ტაიმის შემდეგ, 54-ზე კალულუმ მოტას გუნდი დააწინაურა, თუმცა სტუმრებმა უპირატესობის შენარჩუნება ვერ მოახერხეს.

78-ე წუთზე გამათანაბრებელი გოლი რეტეგიმ გაიტანა და გასპერინის გუნდს ქულა გადაურჩინა.

ამრიგად, იუვენტუსის წაუგებელი სვლა სერია ა-ში გრძელდება - გუნდმა 20 მატჩში 7 გამარჯვება მოიპოვა და 13-ჯერ ფრე ითამაშა, შედეგად 34 ქულით მე-5 პოზიციას იკავებს, ატალანტა კი 43 ქულით მე-3 ადგილზეა, გუნდმა ბოლო სამი თამაში ასევე ფრედ დაასრულა.