„ჩემი გული საუდის არაბეთს ეკუთვნის“ — რონალდუმ დუბლით დაბრუნება და გაფიცვის დასრულება შეაფასა

41 წლის კრიშტიანუ რონალდუ, ბოლო პერიოდში აგორებული სკანდალებისა და გაფიცვის შემდეგ, მოედანზე ხმაურიანად დაბრუნდა.

VIDEO: კრიშტიანუ რონალდუს დუბლი - 964 გოლი კარიერაში

პორტუგალიელმა ვარსკვლავმა ალ-ჰაზემთან მატჩში (4:0) დუბლი შეასრულა და ჟორჟე ჟეზუშის გუნდი საუდის არაბეთის ჩემპიონატის სათავეში დააბრუნა.

ბოლო სამი მატჩის გამოტოვებამ ევროპაში ან MLS-ში (მესისთან) შესაძლო დაბრუნების შესახებ ჭორები წარმოშვა, თუმცა რონალდუმ თამაშის შემდეგ ყველა კითხვას წერტილი დაუსვა.

„ძალიან ბედნიერი ვარ. როგორც არაერთხელ მითქვამს, ჩემი გული საუდის არაბეთს ეკუთვნის. ამ ქვეყანამ ძალიან თბილად მიმიღო მეც და ჩემი ოჯახიც. აქ ყოფნით კმაყოფილი ვარ და თამაშის გაგრძელება სწორედ აქ მსურს.

მთავარია, რომ ზეწოლას ვაგრძელებთ და ცხრილის სათავეში ვართ. ჩვენი საქმე მოგება და კონკურენტებზე ზეწოლაა. სწორ გზაზე ვართ, კარგ ფორმაში ვართ და საკუთარ თავში დარწმუნებულები ვართ“, — განაცხადა კრიშტიანუმ.