დაძაბულობა რეალში? - მბაპესა და ჯუდის კონფლიქტი

2026 წლის მსოფლიო ჩემპიონატის მესამე ადგილისთვის გამართულ მატჩში ინგლისმა საფრანგეთი ანგარიშით 6:4 დაამარცხა.

შეხვედრის დასრულების შემდეგ სოციალურ ქსელებში ერთ-ერთი მთავარი განხილვის თემა ჯუდ ბელინგემსა და კილიან მბაპეს შორის დაძაბული ურთიერთობა გახდა.

გავრცელებული ინფორმაციით, მადრიდის რეალის თანაგუნდელებს თამაშის შემდეგ ერთმანეთი არ მოუკითხავთ, რამაც მათ შორის შესაძლო შეუთანხმებლობის შესახებ გააჩინა სპეკულაციები. 

სოციალურ ქსელებში გავრცელებულ კადრებში ჩანს, რომ ბელინგემი ესალმება საფრანგეთის ნაკრების სხვა ფეხბურთელებს, მათ შორის იბრაჰიმ კონატეს, თუმცა არსად არის კადრი, სადაც ის მბაპესთან რაიმე სახის კომუნიკაციას ამყარებს. მიუხედავად იმისა, რომ საჯაროდ ორივე ფეხბურთელი ერთმანეთზე ყოველთვის დადებითად საუბრობდა, ეს ფაქტი გულშემატკივრებისთვის ეჭვის საფუძველი გახდა.

მედიაში ასევე განიხილავენ მათი ურთიერთობის ისტორიას. მბაპეს მოსვლის შემდეგ ტაქტიკური ცვლილებების გამო ბელინგემს ფლანგზე გადასვლა მოუწია, რაც მის უკმაყოფილებას იწვევდა, თუმცა საჯარო გამოსვლებში ისინი ყოველთვის ინარჩუნებდნენ კორექტულობას და ერთმანეთს უდიდეს ტალანტებს უწოდებდნენ.

სპორტული მედიის ცნობით, მადრიდულ კლუბში დაძაბულობა ჯერ კიდევ ჩაბი ალონსოს მთავარი მწვრთნელობის პერიოდში დაიწყო. კლუბი პრაქტიკულად ორ ბანაკად გაიყო: მბაპე, რომელსაც ალონსოსთან შესანიშნავი ურთიერთობა ჰქონდა და შესაბამისად, მისი ტაქტიკური სქემებიც სრულად შეესაბამებოდა მის სათამაშო სტილს, და ბელინგემი, რომელიც ალონსოს მიმართ სკეპტიკურად იყო განწყობილი.

თავად ფეხბურთელებს ამ ინციდენტთან დაკავშირებით კომენტარი ჯერ არ გაუკეთებიათ.