"დამშვიდობების დროა" - დე ბრუინი სიტის ტოვებს

კევინ დე ბრუინმა სოციალურ ქსელში განცხადება გაავრცელა.

"ძვირფასო მანჩესტერო, ამის ნახვით, ალბათ უკვე ხვდებით, საით მივდივარ. ამიტომ პირდაპირ საქმეზე გადავალ და გეტყვით, რომ ეს ჩემი ბოლო თვეებია მანჩესტერ სიტის მოთამაშედ.

ამის დაწერა ადვილი არ არის, მაგრამ როგორც ფეხბურთელებმა, ყველამ ვიცით, რომ ეს დღე აუცილებლად მოდის. ეს დღე დადგა და თქვენ იმსახურებთ, რომ ეს პირველი ჩემგან გაიგოთ.

ფეხბურთმა თქვენამდე და ამ ქალაქამდე მომიყვანა. ოცნების დევნაში, არ ვიცოდი, რომ ეს პერიოდი ჩემს ცხოვრებას შეცვლიდა. ამ ქალაქმა, ამ კლუბმა, ამ ხალხმა... ყველაფერი მომცა. არ მქონდა სხვა არჩევანი, რომ ყველაფერი უკან არ დამებრუნებინა და ჩვენ ყველაფერი მოვიგეთ.

მოგვწონს თუ არა, დამშვიდობების დროა. სური, რომი, მეისონი, მიშელი და მე მადლიერები ვართ იმისთვის, რასაც ეს ადგილი ჩვენი ოჯახისთვის ნიშნავდა. "მანჩესტერი" ყოველთვის იქნება ჩვენი შვილების პასპორტში და რაც უფრო მნიშვნელოვანია, თითოეული ჩვენგანის გულში.

აქ ყოველთვის იქნება ჩვენი სახლი.

საკმარის მადლობას ვერ გადავუხდით ამ ქალაქს, კლუბს, სტაფს, გუნდელებს, მეგრობრებს და ოჯაახს ამ 10-წლიანი მოგზაურობისთვის.

ყოველი ისტორია სრულდება, მაგრამ ეს ნამდვილად იყო საუკეთესო თავი.

მოდით, მივიღოთ სიამოვნება ბოლო მომენტებით!

დიდი სიყვარულით, KDB." - წერს ბელგიელი სოციალურ ქსელში.

კევინ დე ბრუინი მანჩესტერ სიტის 2015 წელს ვოლფსბურგიდან შეუერთდა. მან გუნდთან ერთად პრემიერ ლიგა 6-ჯერ, FA თასი 2-ჯერ, კარაბაო თასი 5-ჯერ, ქომუნითი შილდი 2-ჯერ და ჩემპიონთა ლიგა ერთხელ მოიგო.

ამ პერიოდის განმავლობაში ბელგიელმა პრემიერ ლიგაში 70 გოლი და 118 საგოლე გადაცემა მიითვალა, 2-ჯერ კი სეზონის საუკეთესო მოთამაშე გახდა.

"დიდ თანხას ჩამოვდივარ, რომ ძეგლს დაუდგამენ" - გვარდიოლა დე ბრუინზე