პოსტეკოგლუ: "VAR-ი ფეხბურთს კლავს, ეს აღარ არის ის თამაში, რომელიც ადრე იყო"

ტოტენჰემის მთავარმა მწვრთნელმა, ენჯ პოსტეკოგლუმ VAR-ის უარყოფით მხარეზე ისაუბრა.

პრემიერ ლიგის 30-ე ტურში პოსტეკოგლუს ტოტენჰემი ჩელსისთან 0:1 დამარცხდა.

მატჩის 69-ე წუთზე ტოტენჰემის ნახევარმცველმა, პაპ მატარ სარმა გოლი გაიტანა, რომელიც VAR-ის ჩარევის გამო გაუქმდა - სენეგალელმა მოიზეს კაისედოს ბურთი თამაშის წესის დარღვევით აართვა.

„ეს ფეხბურთს კლავს. ეს აღარ არის ის ფეხბურთი, რომელიც ადრე იყო. მსაჯმა გოლი ჯერ ჩათვალა, შემდეგ კი ექვსი წუთი დასჭირდა იმ გადაწყვეტილების მისაღებად, რომელიც VAR-ისთვისაც და მსაჯისთვისაც აშკარა იყო. ეს უბრალოდ სიგიჟეა." - აღნიშნა პოსტეკოგლუმ.