სიახლეები
სეტანტა
სპორტის გურუ
ქვიზები
12 სთ წინ · 0 წთ წასაკითხად
-
Aa
+
ფონტის ზომა
სანაკრებო პაუზის შემდეგ სენტ-ეტიენში დაბრუნებულმა ზურიკო დავითაშვილმა მედიასთან ისაუბრა.
"გასულ ზაფხულს, როცა სენტ-ეტიენი დამიკავშირდა, გონებაში ის მიტრიალებდა, რაც ვნახე, როცა ბორდოსთან ერთად აქ ვითამაშე. ასევე ჩემს მწვრთნელ ვილი სანიოლსაც ვესაუბრე. ამან ჩემი არჩევანი დამიდასტურა, რომ სენტ-ეტიენში გადმოვსულიყავი.
ოსერის წინააღმდეგ ჩემი ჰეთ-თრიქი ემოციებით სავსე იყო. ეს მატჩი სამუდამოდ ჩაიბეჭდება ჩემს გონებაში. ჯამში, სტატისტიკის მიხედვით პერსონალურ დონეზე სეზონის კარგი სტარტი მაქვს, მაგრამ ჩვენ მეტი მუშაობა გვჭირდება.
ლანსთან მატჩი მნიშვნელოვანია. ეს ლიგა 1-ის ამბიციური გუნდია. ჩვენ სახლში ვთამაშობთ, რაც მატჩის მიმართ მიდგომას ცვლის. პირად დონეზე ყველაფერი კარგადაა. ნაკრებში კუნთი მცირედით გადამეღალა, მაგრამ ამ მატჩისთვის მზად ვარ." - განაცხადა დავითაშვილმა.
საფრანგეთის ლიგა 1-ის მე-8 ტურში სენტ-ეტიენი საკუთარ მოედანზე ლანსს მიიღებს. მატჩი 19 ოქტომბერს, 21:00 საათზე გაიმართება.
სენტ-ეტიენი სატურნირო ცხრილში 7 ქულით მე-13 ადგილზეა და გასავარდ ზონას 2 ქულით უსწრებს, ზურიკო დავითაშვილის ანგარიშზე კი მიმდინარე სეზონში 3 გოლი და 2 საგოლე გადაცემაა.
თ
თაზო ჩარკვიანი
კომენტარები