12 სთ წინ · 0 წთ წასაკითხად
-
Aa
+
ფონტის ზომა
იტალიური La Repubblica-ს მიხედვით, ნაპოლის მწვრთნელი ანტონიო კონტე ემპოლისთან სასტარტო შემადგენლობაში მარცხენა ფლანგზე ხვიჩა კვარაცხელიას ნაცვლად დავიდ ნერესის დაყენებას განიხილავს.
"ნაპოლის შემადგენლობაში შესაძლოა რამდენიმე ცვლილება ვიხილოთ კვირას, ემპოლისთან მატჩში. დავიდ ნერესმა სანაკრებო შესვენების დროს ძალიან კარგად ივარჯიშა და ის კვარაცხელიას ადგილს ემუქრება, რომელიც გუნდს ნაკრებში უკრაინასთან და ალბანეთთან ჩატარებული 180 წუთის შემდეგ უბრუნდება. კონტე განიხილავს, რომ ქართველი დაასვენოს და მის ადგილზე ბრაზილიელი დააყენოს." - წერს იტალიური გამოცემა.
ემპოლი და ნაპოლი ერთმანეთს იტალიის სერია ა-ს მე-8 ტურში დაუპირისპირდებიან. მატჩი 20 ოქტომბერს, 14:30 საათზე გაიმართება. შეხვედრაში საბა გოგლიჩიძის სახით კიდევ ერთი ქართველი მიიღებს მონაწილეობას.
ჩემპიონატის სატურნირო ცხრილში 7 ტურის შემდეგ ნაპოლი 16 ქულით პირველ ადგილზეა და მდევარ ინტერს 2 ქულით უსწრებს, ემპოლი კი 10 ქულით მე-10 ადგილზეა.
ხვიჩა კვარაცხელიას ანგარიშზე 3 გოლი და 2 საგოლე გადაცემაა.
თ
თაზო ჩარკვიანი
კომენტარები