დე ბრუინის ბენეფისი და ჰალანდის გოლი - სიტიმ პალასი დაამარცხა, შემდეგი რეალია

პრემიერ ლიგის 32-ე ტურში მან სიტიმ სტუმრად კრისტალ პალასი დაამარცხა.

 

შეხვედრა სელჰარსტ პარკზე გაიმართა და სტუმართა გამარჯვებით 4:2 დასრულდა.

 

მე-3 წუთზე მატეტამ გვარდიოლას გუნდი კონტრშეტევაზე დაიჭირა და ლონდონური კლუბი დააწინაურა, თუმცა უკვე 13-ზე დე ბრუინმა საოცარი გასროლით წონასწორობა აღადგინა.

 

შესვენების შემდეგ ახალგაზრდა რიკო ლუისმა სიტი წინ 47-ე წუთზევე გაიყვანა. 66-ზე დე ბრუინმა ჰალანდს გაატანინა, 70-ზე კი თავად შეასრულა დუბლი და ინგლისის მოქმედი ჩემპიონის გამარჯვების ყველანაირი კითხვები გააქრო.

 

86-ე წუთზე ოდსონ ედუარდმა ერთი ბურთი გაქვითა და მატჩის საბოლოო ანგარიში დააფიქსირა.

 

ჰალანდმა გასვლით თამაშებში პრემიერ ლიგის 4-მატჩიანი უგოლო სერია შეწყვიტა, სიტიმ კი 31 მატჩში 70 ქულა დააგროვა და ქულებით ლიდერ ლივერპულს გაუტოლდა, რომელსაც ერთი მატჩით ნაკლები აქვს ჩატარებული.

 

სამ დღეში გვარდიოლას გუნდი ჩემპიონთა ლიგის 1/4 ფინალში მადრიდის რეალს სანტიაგო ბერნაბეუზე დაუპირისპირდება.