დი მარია: "რონალდუს თავის ქება? ის სულ ასეთი იყო, უბრალოდ არასწორ დროს დაიბადა"

ანხელ დი მარიამ კრიშტიანუ რონალდუს განცხადება შეაფასა იმასთან დაკავშირებით, რომ ის ყველა დროის საუკეთესოა. არგენტინელმა ყოფილი თანაგუნდელი ლეო მესისაც შეადარა.

"კრიშტიანუ თავის თავს ყველა დროის საუკეთესოს ეძახის? ეს არ მაკვირვებს.

მე მასთან ერთად 4 წელი ვიყავი, ის ყოველთვის ასეთი იყო, სულ ასეთ განცხადებებს აკეთებდა და ცდილობდა საუკეთესო ყოფილიყო. მაგრამ ის დაიბადა ამ თაობაში არასწორ დროს, რადგან კიდევ ერთი დაიბადა, რომელიც უბრალოდ მაგიურია.

რეალობა რიცხვებშია ასახული. ერთს 8 ოქროს ბურთი აქვს, მეორეს - 5. ეს დიდი განსხვავებაა. მსოფლიო ჩემპიონობა კიდევ ერთი დიდი განსხვავებაა, ისევე როგორც 2 კოპა ამერიკა. ბევრი, ბევრი განსხვავებაა.

და კიდევ, ამას ასევე მატჩებშიც ვხედავთ, ყოველი თამაშის ყოველ წუთს. ერთი ისე თამაშობს, თითქოს თავის ეზოშია. ეს ასეა.

კრიშტიანუ კი ასეთია, ის სულ ასე საუბრობდა და სულ ასეთი იყო." - განაცხადა არგენტინელმა.