დიდთოვლობის მიუხედავად ლივერპული-მანჩესტერი ჩატარდება

ლივერპულის ოფიციალურმა გვერდმა განცხადება გაავრცელა.

"დღევანდელი მატჩი მანჩესტერ იუნაიტედის წინააღდეგ ჩატარდება, როგორც დაგეგმილია. დღის განმავლობაში უსაფრთხოების ორი შეხვედრა გაიმართა ამინდისა და სამოგზაურო პირობებთან დაკავშირებით.

მადლობას ვუხდით ყველას, ვინც დღეს თამაშის ჩატარებაში მონაწილეობას იღებს. თუ ენფილდზე მოდიხართ, გთხოვთ, რომ დამატებითი სიფრთხილე გამოიჩინოთ. ველოდებით თქვენს ნახვას." - წერია მერსისაიდელთა განცხადებაში.

ლივერპულში დიდთოვლობის გამო ეჭვქვეშ დადგა მატჩის ჩატარების საკითხი, თუმცა როგორც გაირკვა, საბოლოოდ თამაში შედგება.

ენფილდზე ლივერპულსა და მანჩესტერ იუნაიტედის შორის დაპირისპირება 20:30 საათზე დაიწყება.

მერსისაიდელები სატურნირო ცხრილში 45 ქულით პირველ ადგილზე არიან, წითელ ეშმაკებს კი 22 ქულა აქვთ და მე-14 პოზიციას იკავებენ.