ეროვნულმა ნაკრებმა დინამო არენაზე მატჩისწინა ვარჯიში ჩაატარა

23 მარტს, ერთა ლიგის პლეი-ოფის განმეორებით მატჩში, საქართველოს ნაკრები სომხეთს უმასპინძლებს.

ეროვნულმა გუნდმა დინამო არენაზე მატჩისწინა ვარჯიში გამართა. ნაკრების მთავარმა მწვრთნელმა, ვილი სანიოლმა და დისკვალიფიკაციის შემდეგ დაბრუნებულმა ხვიჩა კვარაცხელიამ კი მატჩისწინა პრესკონფერენცია გამართეს.

"მოთამაშეების მოტივაციაში ეჭვი არ მეპარება" - სანიოლის პრესკონფერენცია

"დინამო არენაზე თამაში მოგვენატრა" - კვარაცხელიას პრესკონფერენცია

შეგახსენებთ, რომ ერევანში ჩატარებული მატჩი ჩვენი გუნდის გამარჯვებით 0-3 დასრულდა. გუნდების საპასუხო დაპირისპირება 23 მარტს, 18:00 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.