ევრობასკეტის ჯგუფური ეტაპის მეორე მატჩში საქართველოს ნაკრები თავისთვის უხერხულ მეტოქე იტალიასთან დამარცხდა.
შეხვედრა მესამე მეოთხედის ჩათვლთ ძალიან დაძაბული და თანაბარი იყო, თუმცა ბოლო მეოთხედში იტალია წინ გაიჭრა და საქმე ბოლომდე მიიყვანა.
საბოლოოდ იტალიელებმა 78:62 მოიგეს და ევრობასკეტზე პირველი გამარჯვება მოიპოვეს - წინა ტურში გუნდი საბერძნეთთან დამარცხდა.
მატჩის ყველაზე შედეგიანი მოთამაშე გოგა ბითაძე გახდა, რომელმაც 22 ქულა და 4 მოხსნა დააგროვა. იტალიელებს შორის საუკეთესო შედეგი სიმონე ფონტეკიომ დააგროვა - 14 ქულა, 4 მოხსნა, 2 პასი.
ორი ტურის შემდეგ საქართველოს 3 ქულა აქვს, ამდენივე დააგროვა იტალიამაც.
შემდეგ მატჩს ჩვენი ნაკრები უკვე ხვალ, 31 აგვისტოს, საბერძნეთის წინააღმდეგ გამართავს.
