საბერძნეთმა ისევ გამანადგურებლად მოიგო, ესპანეთმა პირველად იმარჯვა - სიტუაცია საქართველოს ჯგუფში

ევრობასკეტზე ორი ტურის შემდეგ C ჯგუფში მოვლენები საინტერესოდ განვითარდა.

მოგეხსენებათ, საქართველოს ნაკრებმა იტალიასთან მატჩი დათმო და ორი ტურის შედეგად 3 ქულა დაუგროვდა.

ჯგუფს ერთპიროვნულად ლიდერობს საბერძნეთის ნაკრები, რომელმაც მეორე ტურში კვიპროსი 96:69 გაანადგურა და 4 ქულით პირველ ადგილს იკავებს.

პირველი გამარჯვება ტურნირზე მოიპოვა მოქმედმა ჩემპიონმა ესპანეთის ნაკრებმა, რომელიც საქართველოსთან მარცხის გამო ბოსნია და ჰერცოგოვინასთან რეაბილიტირდა და 88:67 მოუგო.

2 ტურის შედეგად ჯგუფის ერთადერთი ნაკრები, რომელმაც ორივე მატჩი დათმო - კვიპროსია.

მესამე ტურის წინ, საქართველოს ნაკრები ჯგუფში მე-3 ადგილს იკავებს.

უკვე დღეს, 31 აგვისტოს, საქართველოს ნაკრები ჯგუფის ლიდერ საბერძნეთს დაუპირისპირდება, ესპანეთი კვიპროსს შეუტევს, იტალია და ბოსნია და ჰერცოგოვინა კი ერთმანეთში გაარკვევენ საქმეს.