„გადაუხადეთ მასწავლებლებს და არა ფეხბურთს“ — გვარდიოლას მწვავე პასუხი რასიზმზე

მანჩესტერ სიტის მთავარი მწვრთნელი, პეპ გვარდიოლა, ჩემპიონთა ლიგაზე მომხდარ რასისტულ სკანდალს გამოეხმაურა.

საუბარია ინციდენტზე, სადაც ვინისიუს ჟუნიორმა ბენფიკას ფორვარდი, ჯანლუკა პრესტიანი, რასისტულ შეურაცხყოფაში დაადანაშაულა.

პეპმა პრობლემის სიღრმისეულ მხარეზე გაამახვილა ყურადღება და აღნიშნა, რომ ფეხბურთი მხოლოდ საზოგადოების ანარეკლია:

„კანის ფერი არც უკეთესს გვხდის და არც უარესს. დიდი სამუშაო გვაქვს გასაკეთებელი — არა მხოლოდ ფეხბურთში, არამედ საზოგადოებაშიც.

რასიზმი ყველგანაა. ის ვლინდება იმაში, თუ როგორ იქცევით და როგორ ცდილობთ აჩვენოთ, თითქოს ვიღაცაზე უკეთესი ხართ. როგორ გადავჭრათ ეს პრობლემა? სკოლებით.

გადაუხადეთ მასწავლებლებს და არა ფეხბურთს. მასწავლებლები და ექიმები უნდა იყვნენ საზოგადოების ყველაზე მნიშვნელოვანი ადამიანები და არა საფეხბურთო მწვრთნელები“, — განაცხადა გვარდიოლამ.