მადრიდის რეალმა სანტიაგო ბერნაბეუზე მალაგასთან მატჩი ბრწყინვალედ დაიწყო და პირველივე ტაიმის საწყის 30 წუთში სამბურთიანი უპირატესობა მოიპოვა.
სამეფო კლუბმა სტუმრებს სამივე გოლი 11-წუთიან მონაკვეთში გაუტანა.
მატჩის მთავარი მოვლენები:
მე-19 წუთი: მატჩში ანგარიში ჯუდ ბელინგემმა გახსნა.
26-ე წუთი: მალაგას მეკარემ, ალფონსო ერერომ ბურთი საკუთარ კარში ჩაჭრა და ავტოგოლი მიითვალა.
30-ე წუთი: კილიან მბაპემ მადრიდელთა უპირატესობა სამამდე გაზარდა.
91-ე წუთი: ვინისიუსის პასით არდა გიულერმა თამაში დააგვირგვინა
ცნობილი სტატისტიკური გვერდის, Mister Chip-ის ცნობით, ეს მადრიდის რეალისთვის ლა ლიგაში 3:0 დაწინაურების ყველაზე სწრაფი მაჩვენებელია 2019 წლის 9 ნოემბრის შემდეგ. მაშინ ზინედინ ზიდანის გაწვრთნილმა გუნდმა ეიბართან აჩვენა მსგავსი შედეგი და საბოლოოდ, 2019/2020 წლების სეზონში ესპანეთის ჩემპიონობაც იზეიმა. მადრიდული კლუბის გულშემატკივრები იმედოვნებენ, რომ ეს სტატისტიკური დამთხვევა წლევანდელი სეზონისთვისაც კარგი ნიშანი იქნება.
VIDEO: ბელინგემისა და მბაპეს დომინაცია - რეალმა მალაგა გაანადგურა
