ჰალანდი და სიტი ბორნმუთს შეუტევენ

პრემიერ ლიგის 26-ე ტურში მანჩესტერ სიტი ბორნმუთს ესტუმრება.

 

ბორნმუთი - მანჩესტერ სიტი (21:30, 24 თებერვალი) - უყურე მატჩს უფასოდ adjarabetarena-ზე.

 

ბორნმუთს ავადმყოფობის შემდეგ უბრუნდება რომეინ ფავრი, ფილიპ ბილინგი კი თავისი 3-მატჩიანი დისკვალიფიკაციის ბოლო თამაშს მოიხდის.

 

გუნდს კვლავ დააკლდება რაიან ფრედერიკსი, ტაილერ ადამსი და მაქს აარონსი.

 

მანჩესტერ სიტის ტრავმის გამო დააკლდება იოშკო გვარდიოლი და ჯეკ გრილიში.

 

კევინ დე ბრუინს მონაწილეობა არ მიუღია შუა კვირაში ბრენტფორდთან მოგებულ შეხვედრაში, მას ბარძაყზე მცირე დაზიანება ჰქონდა, მაგრამ გუნდთან ერთად ივარჯიშა და ბორნმუთთან მატჩისთვის მზად იქნება.

 

ბორნმუთი

 

ბორნმუთს პრემიერ ლიგაში ბოლო 6 მატჩია არ მოუგია (3 ფრე, 3 წაგება), როცა მანამდე გუნდს 7 მატჩში 6 მოგება და 1 ფრე ჰქონდა.

 

ცხრილის ტოპ 5 გუნდთან ნათამაშებ 7 შეხვედრაში მათ მხოლოდ 1 ქულა მოიპოვეს, სახლში ასტონ ვილასთან 2-2.

 

ანდონი ირაოლას გუნდმა ჩემპიონატში ჩატარებული ბოლო 16 შეხვედრიდან მხოლოდ ერთში ვერ მოახერხა გოლის გატანა, ლივერპულთან 4-0.

 

პრემიერ ლიგის მიმდინარე სეზონში დომინიკ სოლანკეს ანგარიშზე 14 გოლია, მასზე მეტი მხოლოდ ერლინგ ჰალანდსა (17) და მოჰამედ სალაჰს (15) აქვთ გატანილი.

 

სოლანკეს 2 გოლი აკლია ჯოშუა კინგის პრემიერ ლიგის რეკორდამდე, 16 გოლი ბორნმუთის შემადგენლობაში 2016-17 წლების სეზონში.

 

მანჩესტერ სიტი

 

სიტის ყველა ტურნირზე ზედიზედ 7 გასვლითი შეხვედრა აქვს მოგებული.

 

გუნდმა ჩემპიონატში ბოლო 6 გასვლით მატჩში პირველმა გაუშვა გოლი, აქედან 4 შემთხვევაში ქამბექი შედგა.

 

პრემიერ ლიგაში გასვლაზე სიტიმ ბოლოს კარი მშრალად 29 ოქტომბერს მანჩესტერ იუნაიტედთან შეინახა (0-3).

 

ერლინგ ჰალანდს ყველა ტურნირზე სიტის შემადგენლობაში 81 მატჩში 74 გოლი აქვს გატანილი.

 

ჯერემი დოკუმ ბორნმუთთან წინა შეხვედრაში 4 საგოლე გადაცემა გააკეთა, რაც პრემიერ ლიგის რეკორდის გამეორება იყო ერთ მატჩში.

 

ფილ ფოდენმა ბორნმუთს ბოლო ოთხივე თამაშში გოლი გაუტანა (ყველა ტურნირზე).

 

კევინ დე ბრუინს ორი გოლი აკლია სიტის შემადგენლობაში გატანილ 100 გოლამდე (ყველა ტურნირზე).

 

პეპ გვარდიოლას შემდეგი გამარჯვება 150-ე იქნება სიტის მწვრთნელის რანგში.

 

ურთიერთშეხვედრები

 

ბორნმუთს პრემიერ ლიგაში ბოლო 19 მატჩია სიტისთვის არ მოუგია (2 ფრე, 17 წაგება), რაც ინგლისის ჩემპიონატის რეკორდია.

 

სიტიმ ალუბლები პრემიერ ლიგაში ბოლო 13 შემთხვევაში დაამარცხეს, ესეც საუკეთესო შედეგია ნებისმიერი ორი გუნდის დაპირისპირებაში.

 

სავარაუდო შემადგენლობები:

 

ბორნმუთი - ნეტუ; სმიტი, ზაბარნი, სენესი, კელი; კრისტი, კუკი; სემენიო, კლუივერტი, სინისტერა; სოლანკე.

 

სიტი - ედერსონი; უოკერი, დიაში, აკანჟი, აკე; როდრი, კოვაჩიჩი; ფოდენი, ალვარესი, დოკუ; ჰალანდი.

 

მატჩს ჯარედ ჯილეტი განსჯის, რომელმაც პრემიერ ლიგის მიმდინარე სეზონში 12 შეხვედრაში იმსაჯა და მოთამაშეებს ჯამში 56 ყვითელი და 2 წითელი ბარათი უჩვენა, ამასთან მან 5 თერთმეტმეტრიანი დანიშნა.