იამალი: "ლივერპულის გავარდნის შემდეგ, ჩემპიონთა ლიგის მთავარი ფავორიტები გავხდით"

ლამინ იამალის აზრით, ლივერპულის გავარდნის შემდეგ, ჩემპიონთა ლიგის მთავარი ფავორიტი ბარსელონა გახდა.

„ჩვენ ჩემპიონთა ლიგის ფავორიტები ვართ. როგორც კი ჯგუფური ეტაპი დასრულდა, ვთქვი, რომ ფავორიტი - ლივერპულია, იმიტომ რომ ცხრილში პირველი ადგილი დაიკავა.

ახლა კი, მას შემდეგ, რაც ლივერპული გავარდა, ფავორიტები ჩვენ გავხდით.

ჩვენ არცერთი მეტოქის არ გვეშინია." - აღნიშნა 17 წლის შემტევმა.

1/4 ფინალში ბარსელონა დორტმუნდის ბორუსიას დაუპირისპირდება, 1/2 ფინალში გასვლის შემთხვევაში კი, ინტერი - ბაიერნის წყვილში გამარჯვებულს.