ლუკა მამულაშვილმა უეფა-ს ახალგაზრდულ ლიგაზე საბაჰის მაისურით ითამაშა.
პრაღის სლავიას წინააღმდეგ გამართულ მატჩში, სადაც ჩეხურმა გუნდმა 3:0 გაიმარჯვა, ახალგაზრდა ქართველმა მოედანზე სრული შეხვედრა ჩაატარა.
მამულაშვილი იბერია 1999-ის აკადემიის აღზრდილია და მისი ტრანსფერი ახლაც საქართველოს ჩემპიონს ეკუთვნის.
იგი აზერბაიჯანულმა კლუბმა ევროტურნირის წინ შემადგენლობის გაძლიერების მიზნით დაიმატა. საინტერესოა, რომ ცენტრალურმა მცველმა საბაჰის 19-წლამდელთა გუნდში მარცხენა ფლანგის შემტევის პოზიციაზე იასპარეზა.
