ინგლისურ კლასიკაში მანჩესტერმა ენფილდზე არ წააგო

პრემიერ ლიგის მე-20 ტურში მანჩესტერმა ლივერპულიდან ქულის წამოღება მოახერხა.

ენფილდზე გამართული მატჩი ლივერპულსა და მან იუნაიტედს შორის ძალიან დაძაბული გამოვიდა და ფრედ 2:2 დასრულდა.

უგოლო პირველი ნახევრის შემდეგ, გუნდებმა გოლებს გემო მეორეში გაუგეს - 52-ზე ლისანდრომ გახია მახვილი კუთხიდან ალისონის კარი, 59-ზე კი იგივე გაკპომ გააკეთა. 70-ზე სალაჰმა პენალტი ზუსტად შეასრულა და თავისი გუნდი წინაც გაიყვანა, თუმცა საბოლოო ანგარიში ამად დიალომ 80-ზე დააფიქსირა.

მსაჯის მიერ კომპენსირებულ წუთებზე მანჩესტერს მატჩის მოგებაც შეეძლო, თუმცა ზირკზეს პასის შემდეგ, მაგუაიერმა ხელსაყრელი პოზიციიდან გატანა ვერ შეძლო.

საინტერესოა, რომ მანჩესტერმა ენფილდზე გოლის გატანა 2018 წლის შემდეგ პირველად შეძლო.

ლივერპულმა 46 ქულა დააგროვა და ცხრილს ერთპიროვნულად ლიდერობს, მანჩესტერი კი 23 ქულით მე-13 ადგილზეა.