„ის კრუიფის მიმდევარია“ — ლაპორტამ ფლიკის წარმატების ფორმულა დაასახელა

ჟოან ლაპორტამ ბარსელონას ყოფილი მწვრთნელები გაიხსენა და განმარტა, თუ რატომ შეაჩერეს არჩევანი ჰანს-დიტერ ფლიკზე.

„კუმანი მაქსიმალური სირთულეების დროს მოვიდა. მისი ძალიან მადლობელი ვარ — მან თასი მოიგო, თანაც ბრწყინვალე მატჩში. ჩავიმ იმედი დაგვიბრუნა და გუნდს ჩვენი ნამდვილ სათამაშო სტილი დაუბრუნა. მან სუპერთასი და ჩემპიონატი მოიგო, რისთვისაც მისი მადლობელი ვარ.

„სუპერლიგა შეუძლებელი პროექტია“ — ლაპორტამ ბარსელონას გადაწყვეტილება განმარტა

როდესაც ფლიკის მოწვევა გადავწყვიტეთ, მოვიყვანეთ სპეციალისტი საკუთარი მეთოდოლოგიით, რომელიც ბარსელონას სტილს არის მორგებული, რადგან ის იოჰან კრუიფის მიმდევარია. მან მოიტანა დისციპლინა, პროფესიონალიზმი და სარგებლის მოტანა პირველივე დღიდან დაიწყო. მან იდეალურად გაიგო, რას წარმოადგენს ეს კლუბი.

გამოვყოფდი მის გამარჯვებულ ხასიათს და ჯანსაღ ამბიციებს: ის ყოველთვის მომთხოვნია და ყოველთვის მეტი სურს. თავისი მიდგომით მან ბარსელონას ყველა გულშემატკივრის პატივისცემა და სიყვარული დაიმსახურა. ვხედავ, რომ მას დეკუსთან შესანიშნავი ურთიერთგაგება აქვს და სწორედ ეს აძლევს პროექტს მუშაობის საშუალებას“, – განაცხადა ბარსელონას პრეზიდენტმა.