ისტორია დაიწერა - ერთი ოჯახის სამი თაობა იტალიის ნაკრებში

დანიელ მალდინის იტალიის ნაკრებში დებიუტი ჰქონდა.

მონცას ნახევარმცველმა ისრაელთან მატჩში 74-ე წუთზე მოედანზე ჯაკომო რასპადორი შეცვალა.

დანიელე მალდინის დებიუტი ნაკრებში მისი მამის, პაოლო მალდინის ბოლო სანაკრებო მატჩიდან 22 წლისა და 118 დღის შემდეგ შედგა.

თავის მხრივ, პაოლოს მამის, ჩეზარე მალდინის ბოლო სანაკრებო მატჩიდან უკვე 61 წელია გასული.

იტალიის ნაკრების ისტორიაში პირველად, მისი მაისურით ერთი ოჯახის სამმა თაობამ ითამაშა.