სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
5 თვის წინ · 0 წთ წასაკითხად
-
Aa
+
ფონტის ზომა
პრემიერ ლიგის 23/24 სეზონის საჩემპიონო ბრძოლამ ისეთი ბედის ირონია დაატრიალა, რომ ჩემპიონის ბედი გარკვეულწილად ტოტენჰემის ხელშია.
ტოტენჰემი - მანჩესტერ სიტი [23:00] ტოტენჰემ ჰოთსპურ სტედიუმი, მთავარი არბიტრი კრის კავანაგი
უყურე მატჩის პირდაპირ ტრანსლაციას adjarabetarena-ზე სრულიად უფასოდ
სოციალურ ქსელებს რომ გადავუყვეთ, დავინახავთ რომ დღეს სიტუაცია ცოტა არ იყოს უცნაურად არის - ტოტენჰემის ქომაგები ხმამაღლა ამტკიცებენ, რომ დღეს მან სიტისკენ იქნებიან და იმედი აქვთ, რომ გვარდიოლას გუნდი მათ რაც შეიძლება მეტ გოლს გაუტანს და მეტიც, გაანადგურებს კიდეც. ამის მიზეზი კი ძალიან მარტივად არის, დღეს რომ ტოტენჰემმა მან სიტის ქულები წაართვას, ბოლო ტურის წინ არსენალი და მან სიტი თანაბარი ქულებით იქნებიან და უკეთესი ბურთების სხვაობის (+61 +58-ის წინააღმდეგ) გამო, ჩემპიონობის ბედი დიდწილად არტეტას გუნდის ხელში გადავა.
ტოტენჰემის და არსენალის ჩრდილოლონდონური მეტოქეობიდან გამომდინარე, ეს სპურსის ქომაგებს ყველაზე ნაკლებად უნდათ, ამიტომ მზად არიან ჩემპიონთა ლიგის საგზურიც კი დათმონ, ოღონდაც მათი მთავარი მტერი კვლავ უტიტულოდ დარჩეს.
სიტუაციას გარკვეულწილად ართულებს ის ფაქტი, რომ მან სიტის ტოტენჰემის ახალ სტადიონზე პრემიერ ლიგაში ჯერ არ მოუგია და მეტიც, გოლიც კი არ გაუტანია - 4 მატჩი, 4 მარცხი. ერთადერთი გამარჯვება გუნდმა ამ სეზონში თასზე მოიპოვა, როცა ბოლო წუთებზე აკეს გოლით მოახერხა მინიმალური ანგარიშით მოგება. თუმცა, პრემიერ ლიგაში ეს სერია ჯერ კიდევ გრძელდება.
დღევანდელ შეხვედრაში მონაწილეობას ვერ მიიღებს რიჩარლისონი, რომლისთვისაც ეს სეზონი ტრავმის გამო ნაადრევად დასრულდა.
ტოტენჰემი
დეზებმა შაბათს ბარნლისს დამარცხებით 4-მატჩიანი წაგებათა სერია შეწყვიტა
გუნდმა პრემიერ ლიგის ბოლო 5 მატჩში გოლი პირველმა გაუშვა და 0:1 მარცხდებოდა
პოსტეკოგლუს გუნდმა წამგებიანი სიტუაციიდან ამ სეზონში 25 ქულა დააგროვა, რაც ლივერპულის შემდეგ საუკეთესო შედეგია
ტოტნეჰემი ზედიზედ 14 მატჩია საკუთარ კედლებში ჩემპიონატში მშრალად კარს ვერ ინახავს - უკანასკნელად გუნდმა ეს 2023 წლის 23 ოქტომბერს, ფულემთან მოახერხა (2:0). გუნდის ანტირეკორდი 15 მატჩს შეადგენს (2002-2003), ანუ დღეს გოლის გაშვებით, დეზები ამ შედეგს გაიმეორებენ
ტოტენჰემმა ამ სეზონში 71 გოლი გაიტანა - სამით ნაკლები, ვიდრე სარეკორდო 2017/18 სეზონში.
მან სიტი
თუ გვარდიოლას გუნდი ჩემპიონატში თავის დარჩენილ ორივე მატჩს მოიგებს, პირველი ინგლისური გუნდი გახდება, რომელიც პრემიერ ლიგას (და ზოგადად ინგლისის ჩემპიონატსაც) ზედიზედ ოთხჯერ მოიგებს.
სიტი პრემიერ ლიგაში 33 მატჩია დაუმარცხებელია, რაც კლუბის რეკორდია. უკანასკნელად გუნდმა 2023 წლის დეკემბერში, ასტონ ვილასთან წააგო (0:1) - 27 მოგება, 6 ფრე
ამაზე დიდი წაუგებელი სერია ინგლისის ჩემპიონატის ისტორიაში ორჯერ დაფიქრსირდა: 1978-ში ნოტინგემ ფორესტმა ზედიზედ 40 მატჩი არ წააგო, 1993-1994 ში კი მანჩესტერ იუნაიტედი 34 მატჩის განმავლობაში იყო დაუმარცხებელი. დღეს სიტის ამ შედეგის გამეორება შეუძლია.
მან სიტის ამ სეზონში პირველად ზედიზედ შვიდი პრემიერ ლიგის მატჩი აქვს მოგებული
გვარდიოლას გუნდი ზედიზედ მე-4 გასვლითი მატჩის გოლგაუშვებლად მოგებას უმიზნებს, რაც კლუბის ისტორიაში მეორედ მოხდება. პირველად გუნდმა ეს 1903 წელს მეორე დივიზიონში მოახერხა
ედერსონისთვის დღეს პრემიერ ლიგის 250-ე მატჩი იქნება.
სავარაუდო შემადგენლობები:
ტოტენჰემი: ვიკარიო, პორო, რომერო, დრაგუშინი, დე ვენი, მატარ სარი, ბენტანკური, ჯონსონი, მედისონი, კულუშევსკი, სონი
მან სიტი: ედერსონი, უოკერი, დიაში, აკანჯი, გვარდიოლი, როდრი, კოვაჩიჩი, დე ბრუინი, ბერნარდო, ფოდენი, ჰალანდი.
ნ
ნიკა შაქარაშვილი
კომენტარები